Það verður að fara rukka þessa útlegning !

það verður að fara að rukka þessa útlendinga sem eru að fara í glórulausar ferðir um hálendi Íslands. Nú síðast er verið að bjarga tveimur mönnum úr Básum.

Menn fundust í Básum

Athugasemdir

[Einar Steinsson, 11.12.2008 kl. 07:30]

Þessi frétt er tómt bull, þegar þú gengur yfir Fimmvörðuháls sunnanmegin frá þá er endapúnkturinn á göngunni í Básum þannig að þessir göngugarpar voru bara einfaldlega búnir að ljúka sinni göngu og komnir í hús vandræðalaust. Væntanlega felst "björgunin" í því að einhver hefur verið búin að fá borgað fyrir að sækja þá en ekki komist vegna vatnavaxta.

[EE (IP-tala skráð) 11.12.2008 kl. 10:12]

Einar er nálægt því að hitta naglann á höfuðið. Þarna var vinafólk mitt á ferð og ég átti að sækja það í gærkvöldi í Bása eftir gönguna. Þegar ljóst var hvernig ástandið var fékk ég björgunarsveit af Suðurlandi til að aðstoða mig, þar sem ég hafði ekki aðgang að nógu stórum bíl í svona hark. Á Hvolsvelli fengum við nánari fréttir af ástandinu á leiðinni og ákváðum í samráði við lögreglu að fá björgunarsveitina þar til að slást í hópinn.

Þetta var því ekki beinlínis leit, heldur þurfti einfaldlega á stærri bílum og meiri mannskap að halda til að sækja þau en vanalega, og björgunarsveitir samþykktu að hjálpa okkur við það.

Því góða fólki kann ég miklar þakkir fyrir, það stóð sig með mestu prýði í nótt.

Það er svo kannski rétt að taka fram að erlendu ferðamennirnir voru vel á sig komnir, þó blautir væru, enda vant fólk á ferðinni. Þau voru vel útbúin og ferðaáætlun þeirra stóðst.