Fjármál Lúðvíks Bergvinssonar - það var kominn tími til að fjármál Lúðvíks væru skoðuð.

Lúðvík Bergvinsson hefur talað þannig að hann hafi ekki tekið þátt í fjörinu með útrásarvíkingum þessa lands, en annað er nú komið á daginn og á Agnes Bragadóttir hrósskilið fyrir að fara ofan í þessi mál, vonandi tekur hún fleiri Samfylkingarmenn  til skoðunar, því það skildi nú ekki vera að þar leynist hin einkennilegustu mál sem vert væri að koma með á yfirborðið sem fyrst.

Agnes blaðamaður mbl gott hjá þér!

Agnes,  skoðaðu líka VG fólkið og tengsl þeirra við útrásina!

Fjármál Lúðvíks komu í veg fyrir ráðherrastól

Athugasemdir

[Arnar (IP-tala skráð) 8.2.2009 kl. 16:28]

Skúli

Þegar þú lest greinina kemstu að því að þar er nákvæmlega EKKERT sem styður þá fullyrðingu að Lúðvík Bergvinsson hafi tekið þátt í fjörinu með útrásarvíkingum þessa lands. Hann átti hluti í og sat í stjórn einkahlutafélags sem hafði það markmið að reka atvinnuhúsnæði og nýta væntanlegan byggingarrétt.  Þetta er algengasta rekstrarform slíks húsnæðis og hlutafélagalögin beinlínis sett til að fá fjármagn frá einkaaðilum til uppbyggingar.

Ef það er þátttaka í fjörinu með útrásarvíkingum að vera skuldari einhvers af stóru bönkunum þremur þá á það við um næstum hvert einasta félag og fyrirtæki landsins og stóran hluta einstaklinga.

Þegar lánadrottnar félagsins komust í eigu ríkisins sagði Lúðvík af sér stjórnarsetu og seldi sinn eignarhlut til að lenda ekki í því að vera beggja vegna borðsins. Virðingarvert og lýsir virðingu fyrir hæfisreglum.

Þú óskar eftir sérstakri rannsókn á VG fólki. Veistu nokkuð hve margir núverandi og fyrrverandi þingmenn hafa átt hluti í einkafélögum eða setið í stjórnum þeirra samhliða þingmennsku? Telurðu að þeir eigi allir að segja af sér? Eða á eitthvað sérstakt við um Lúðvík sem þó tengist engu misjöfnu í viðskiptalífinu skv. þessari ítarlegu úttekt? Er það alvarlegra ef VG fólk reynist tengt viðskiptalífinu en þeir þingmenn sem hafa setið í ráðandi meirihlutum síðastliðin 18 ár og byggðu upp það viðskiptaumhverfi og eignatengsl sem nú eru hrunin til grunna?

[Snorri Magnússon, 8.2.2009 kl. 18:52]

Arnar.

Hvað með veru Lúðvíks um borð í "Thee Viking" í Florída, í boði (væntanlega) Baugsfeðga?  (http://eyjan.is/silfuregils/2008/12/16/ludvik-og-thee-viking/)

Var þetta bara svona tilviljun eða hvað?

[Arnar (IP-tala skráð) 8.2.2009 kl. 19:18]

Upphafsmaður þessarar sögu, Jón Gerald Sullenberger, hefur sjálfur staðfest að Lúðvík Bergvinsson var í heimsókn hjá vini sínum á Florida og þeir hitt Jón Gerald á Miami Marina þegar hann var að fara að færa Thee Viking (ekki One-O-One) milli bryggja og hann bauð þeim far einhverja kílómetra. Lúðvík var sumsé ekki í boði Jóns Ásgeirs, hvorki á Florida né um borð í þessum bát og tók ekki þátt í neinum veisluhöldum eða skemmtunum honum tengdum.

Hér er fréttin af Mbl.is:

http://www.mbl.is/mm/frettir/innlent/2008/12/16/stutt_en_soguleg_sjoferd_ludviks/